Spiritual Healing

عرش کا تصور

سوال:  عظیمی صاحب! میرا مسئلہ یہ ہے کہ مجھے کسی بزرگ نے وظیفہ شادی کے لئے دیا تھا جو میں نے پڑھا مگر اس کا کوئی فائدہ نہ ہوا۔ اب میں صبح نماز فجر کے بعد دو مرتبہ سورۃ یٰسین، 7بار سورۃ واقعہ،3بار سورۃ مزمل اوربہت زیادہ تعداد میں ورد مختلف قسم کے کرتی ہوں۔ مجھے کسی نے اب بتایا کہ زیادہ وظائف نہیں پڑھنا چاہئے۔ مہربانی فرما کر مجھے کوئی وظیفہ شادی کے لئے عطا کریں اور یہ بھی بتائیں کہ میں وظائف کرتی رہوں یا چھوڑ دوں۔

جواب: بعد نماز عشاء تین سو مرتبہ یا وھاب پڑھ کر دس منٹ تک عرش کا تصور کریں اور حالات سازگار ہونے کی دعا کریں۔ نہایت مجرب عمل ہے۔ انشاء اللہ ساری پریشانیاں دور ہو جائیں گی۔ چلتے پھرتے یا حی یا قیوم کا ورد کرتے رہیں۔

قارئین سے التماس ہے کہ زیادہ وظیفے نہ پڑھا کریں۔ وظیفوں کے اندر انوار کی طاقت جب دماغ کی برداشت سے زیادہ ہو جاتی ہے تو کئی قسم کے امراض اور پریشانیاں لاحق ہو جاتی ہیں۔ اللہ اور اس کے رسول صلی اللہ علیہ و سلم کے حکم کے مطابق صرف پانچ وقت نماز پابندی وقت کے ساتھ ادا کریں اور قرآن کریم کو ترجمہ کے ساتھ پڑھ کر سمجھنے کی کوشش کریں۔

Topics

خواتین کے مسائل

خواجہ شمس الدین عظیمی

خواتین کے مسائل View