Spiritual Healing
س: جب میں آنکھیں بند کرتا ہوں تو مجھے مختلف رنگ نظر آتے ہیں۔ کبھی گول دائرے کی صورت اختیار کرتے ہیں اور کبھی دھند بن کر سامنے آ جاتے ہیں۔
اس کے علاوہ مجھے ایسا محسوس ہوتا ہے کہ میری زبان منہ کے اندر سے ہوتی ہوئی دماغ کے اند رگھوم رہی ہو۔ برائے کرم اس بیماری کا علاج روحانی ڈائجسٹ میں جلد از جلد شائع کر دیں۔ امید ہے کہ مایوس نہیں کریں گے۔
ج: دماغ کے اندر زندگی میں تقسیم ہونے والی روشنیاں اگر کسی وجہ سے ہجوم کر جائیں تو ایسا ہوتا ہے کہ مختلف شکلیں سامنے آنے لگتی ہیں اور کبھی آنکھوں کے سامنے رنگین دائرے آ جاتے ہیں اور بیماری بن جاتی ہے۔ اس کا فوری طور پر تدارک نہ کیا جائے تو حواس پر خراب اثر پڑتا ہے۔ علاج یہ ہے کہ آپ روزانہ رات کو سوتے وقت پانچ دانے مونگ پھلی کھا لیا کریں اور اس کے اوپر پانی نہ پئیں۔ اکیس روز کے بعد نہ کھائیں۔ اس کے ساتھ ساتھ صبح نہار منہ نُوْرٌعَلیٰ نُوْرٌ یَانُوْرٌ اِھْدِنِیْ اِلیٰ ٗ پڑھ کر پانی پر دم کر کے اس پانی سے آنکھیں دھوئیں۔ چالیس روز تک۔
خواجہ شمس الدین عظیمی
جناب خواجہ شمس الدین عظیمی صاحب نے کالم نویسی کاآغاز1969میں روزنامہ حریت سے کیا ۔پہلے طبیعیات کے اوپر مضامین شائع ہوتے رہے پھر نفسیات اور مابعد نفسیات کے مضمون زیر بحث آ گئے۔ روزنامہ حریت کے قارئین نے سائیکالوجی اور پیراسائیکالوجی کے ان مضامین کو نہ صرف پسند کیا بلکہ اپنے مسائل کے حل کے لئے خطوط لکھنے شروع کر دیئے۔ زیادہ تر خطوط خواب سے متعلق ہوتے تھے۔ شروع کے دنوں میں ہفتہ میں تین یا چار خط موصول ہوتے تھے اور پھر یہ سلسلہ ہر ہفتہ سینکڑوں خطوط پر پھیل گیا۔ حریت کے بعد روزنامہ جسارت، روزنامہ اعلان، روزنامہ مشرق اور پھر روزنامہ جنگ میں روحانی ڈاک کے عنوان پر یہ کالم اتنا زیادہ مقبول ہوا کہ خطوط کی تعداد ہزاروں تک پہنچ گئی۔ جب اخبار کا دامن اتنی بڑی ڈاک کا متحمل نہ ہو سکا تو پیارے اور محترم دوستوں کے مشوروں اور تعاون سے روحانی ڈائجسٹ کا اجراء ہوا اور آج بھی روحانی ڈاک کے عنوان سے یہ کالم روحانی ڈائجسٹ میں شائع ہو رہا ہے۔
آپ نے ان اخبارات وجرائد میں عوام کے ان گنت معاشی، معاشرتی، نفسیاتی مسائل اورالجھنوں کا حل پیش کیا ہے اورمظاہرقدرت کے پیچیدہ معموں سے متعلق سوالات کے جوابات دئیے ہیں۔خواجہ شمس الدین عظیمی صاحب کے لائق شاگرد جناب میاں مشتاق احمد عظیمی نے روحانی ڈاک میں شائع شدہ ان خطوط کو یکجا کیا اورترتیب وتدوین کے مراحل سے گزارکر چارجلدوں پر مشتمل کتاب روحانی ڈاک کو عوام الناس کی خدمت کے لئے شائع کردیا۔
انتساب
ہر انسان کے اوپر روشنیوں کا ایک اور جسم ہے جو مادی گوشت پوست کے جسم کو متحرک رکھتا ہے۔ اگریہ روشنیوں کا جسم نہ ہو تو آدمی مر جاتا ہے اور مادی جسم مٹی کے ذرات میں تبدیل ہو کر مٹی بن جاتا ہے۔
جتنی بیماریاں، پریشانیاں اس دنیا میں موجود ہیں وہ سب روشنیوں کے اس جسم کے بیمار ہونے سے ہوتی ہیں۔ یہ جسم صحت مند ہوتا ہے آدمی بھی صحت مند رہتا ہے۔ اس جسم کی صحت مندی کے لئے بہترین نسخہ اللہ کا ذکر ہے۔
*****
