Topics
سوال: میرا ایک بیٹا ہے جس کی عمر تقریباً چار ماہ ہے۔ دودھ پلاتے ہی اس کا پیٹ پھول جاتا ہے۔ غالباً درد بھی ہوتا ہے کیونکہ بچہ بہت چیختا چلاتا ہے۔ دوائی دینے سے عارضی طور پر ٹھیک ہو جاتا ہے۔ درخواست ہے کہ کوئی روحانی علاج تجویز فرما دیں۔
جواب: گڑ بڑ دودھ میں ہے۔ دودھ میں پانی زیادہ شامل کر کے پلایا جائے۔ گاڑھا دودھ ہاضمہ پر خراب اثر مرتب کرتا ہے۔
تین چھوٹے چھوٹے کاغذ پر بسم اللہ الرحمٰن الرحیم ایک مرتبہ ریاحین ماء نو مرتبہ لکھ کر پانی یا دودھ سے دھو کر بچہ کو پلائیں۔ تین وقت ایک تعویذ۔
خواجہ شمس الدین عظیمی
جناب خواجہ شمس الدین عظیمی صاحب نے کالم نویسی کاآغاز1969میں روزنامہ حریت سے کیا ۔پہلے طبیعیات کے اوپر مضامین شائع ہوتے رہے پھر نفسیات اور مابعد نفسیات کے مضمون زیر بحث آ گئے۔ روزنامہ حریت کے قارئین نے سائیکالوجی اور پیراسائیکالوجی کے ان مضامین کو نہ صرف پسند کیا بلکہ اپنے مسائل کے حل کے لئے خطوط لکھنے شروع کر دیئے۔ زیادہ تر خطوط خواب سے متعلق ہوتے تھے۔ شروع کے دنوں میں ہفتہ میں تین یا چار خط موصول ہوتے تھے اور پھر یہ سلسلہ ہر ہفتہ سینکڑوں خطوط پر پھیل گیا۔ حریت کے بعد روزنامہ جسارت، روزنامہ اعلان، روزنامہ مشرق اور پھر روزنامہ جنگ میں روحانی ڈاک کے عنوان پر یہ کالم اتنا زیادہ مقبول ہوا کہ خطوط کی تعداد ہزاروں تک پہنچ گئی۔ جب اخبار کا دامن اتنی بڑی ڈاک کا متحمل نہ ہو سکا تو پیارے اور محترم دوستوں کے مشوروں اور تعاون سے روحانی ڈائجسٹ کا اجراء ہوا اور آج بھی روحانی ڈاک کے عنوان سے یہ کالم روحانی ڈائجسٹ میں شائع ہو رہا ہے۔
آپ نے ان اخبارات وجرائد میں عوام کے ان گنت معاشی، معاشرتی، نفسیاتی مسائل اورالجھنوں کا حل پیش کیا ہے اورمظاہرقدرت کے پیچیدہ معموں سے متعلق سوالات کے جوابات دئیے ہیں۔خواجہ شمس الدین عظیمی صاحب کے لائق شاگرد جناب میاں مشتاق احمد عظیمی نے روحانی ڈاک میں شائع شدہ ان خطوط کو یکجا کیا اورترتیب وتدوین کے مراحل سے گزارکر چارجلدوں پر مشتمل کتاب روحانی ڈاک کو عوام الناس کی خدمت کے لئے شائع کردیا۔
