پانچ جوتے

ایک روز حضرت باباتاج الدینؒ اولیاء کی خدمت میں ایک ضعیف العمر عالم حاضر ہوئے۔ باباصاحبؒ نے انہیں دیکھ کر فرمایا۔"حضرت !ان کو پانچ جوتے لگاتے ہیں۔"

وہاں موجود تمام لوگ حیران رہ گئے۔ لیکن عالم صاحب نے ہاتھ جوڑکر کہا کہ خدا کے لئے باباصاحبؒ کے حکم کی تعمیل کرو۔" ایک خادم آہستہ آہستہ پانچ جوتے ان کی پشت پر مار دیئے۔ عالم صاحب پر ایک عجیب کیفیت طاری ہوگئی۔ جب یہ کیفیت ختم ہوئی تو لوگوں نے دریافت کیا کہ آپ کو کیا ہو گیا تھا۔ انہوں نے کہا جوراستہ ساری عمر طے نہ ہوسکا وہ آنِ واحد میں طے ہوگیا۔