Topics

فاتحہ پڑھو

 یوسف حسین خاں ، ناظمِ ریاست جے پور دربار تاج اولیاء میں اپنے والد کی صحت یابی کی دعا کے لئے حاضر ہوئے۔ باباصاحبؒ نے انہیں دیکھتے ہی ان کے شانوں پر پڑی ہوئی شال اتارلی اور زمین پربچھاتے ہوئے فرمایا۔" فاتحہ پڑھو حضرت، فاتحہ۔" اس کے ساتھ ہی باباصاحبؒ نے فاتحہ کے لئے ہاتھ اٹھا دیئے۔ یوسف حسین خاں صاحب نے بھی ہاتھ اٹھا دیئے اور حاضرین نے بھی۔ فاتحہ کے بعد ناظم صاحب حکیم ظفر جے پوری کے گھر پہنچے تو وہاں تار کے ذریعے خبر آچکی تھی کہ ان کے والد کا انتقال ہوگیاہے۔ جے پور پہنچ کر معلوم ہوا کہ جس وقت باباصاحبؒ نے ناگپور میں ان کے والد کی فاتحہ پڑھی تھی اسی وقت جے پور میں ان کی نمازِ جنازہ ادا کی جارہی تھی۔

ABDUS SAMAD SUSPENDED:

بھیکی پورجائس کے بعدالصمد صاحب دل میں یہ خواہش لئے ہوئے باباصاحب کی خدمت میں حاضر ہوئے کہ انہیں کشف عطاہوجائے۔ باباصاحبؒ کے روبرو پہنچے تو آپ بیڑی پی رہے تھے۔ باباصاحبؒ نے سلگتی ہوئی بیڑی ان کی طرف بڑھاتے ہوئے کہا۔"یہ لوکشف!"

عبدالصمد صاحب نے فوراًبیڑی لے کر گہرا کش لگایا۔ قوتِ کشف انگڑائی لے کر اٹھی اورلمحہ بھرمیں عبدالصمد صاحب نے اپنے اندر مخفی صلاحیتوں کا بے پناہ ذخیرہ محسوس کیا۔ باباصاحبؒ نے بہت سے شہروں کے نام تیزی سے لئے اورفرمایا "جاؤ! ان مقامات پر ہرمرض میں تمہارے پانی سے شفا ہوتی ہے۔"

عبدالصمد صاحب اپنی مطلوبہ دولت لئے ہوئے واپس ہوئے۔ لوگ اتنی کثرت سے ان کے پاس آنے لگے کہ حکومت کو ریلوے اسٹیشن اورپولس اسٹیشن کی تعمیر کرانی پڑی وہ جس پانی میں ہاتھ ڈالتے ، وہ جاں بلب مریض کو بھی بیماری کے منہ سے کھینچ لاتا۔ عبدالصمد صاحب کی شہرت ہندوستان سے نکل کر پورپ تک جاپہنچی۔

ایک دن ایک عورت ان کے پاس حاضرہوئی۔ یہ زمانہ اس کے مخصوص ایام کا تھا۔ عبدالصمد صاحب نے ازراہِ کشف کہا۔"ناپاک ہے، نکال دو۔"

عورت پریشان حال شکستہ دل ناگپور پہنچی۔ اور شکر درہ سے باہر مولسری کے ایک درخت کے نیچے بیٹھ گئی۔ پچھلے تجربے کی بنا پر وہ حاضرِدربار ہونے سے ڈر رہی تھی۔ لیکن دوسری طرف اس کے بیٹے کی زندگی اورموت کا سوال تھا۔

ادھر باباصاحبؒ نے فرمایا۔"جاؤ مولسری کے نیچے وہ بیٹھی ہے، بلا لاؤ۔"

ایک عقیدت مند گیا اور اس کو بلالایا۔ عورت کچھ فاصلے پر ہی کھڑی ہوگئی اور قریب آنے سے ہچکچانے لگی۔باباصاحبؒ نے فرمایا"قریب آؤ اماں! عبدالصمد ایک لٹیا پانی تھا گندا ہوگیا۔ تاج الدین سمندر ہے۔یہاں آؤ اماں!"

عورت فوراً قدم بوس ہوگئی۔

باباصاحبؒ نے فرمایا۔"گھر جاتے ہی ، بچہ کھیلتا ملتاہے، اچھا رہتاہے۔"

ادھر عورت بامراد واپس ہوئی، ادھر باباصاحبؒ نے جائس کی طرف منہ کر کے فرمایا۔"ABDUS SAMAD SUSPENDED"(عبدالصمد کومعطل کیا گیا)-

ان الفاظ کے ساتھ ہی عبدالصمد صاحب کی ساری صلاحیتیں سلب ہوگئیں۔

Topics

سوانح حیات بابا تاجُ الدین ناگپوریؒ View

سوانح حیات بابا تاجُ الدین ناگپوریؒ

خواجہ شمس الدین عظیمی

عارف باﷲخاتون

مریم اماں

کے نام

جن کے لئے شہنشاہ ہفت اقلیم حضرت بابا تاج الدین ؒ

کا ارشاد ہے:

"میرے پاس آنے سے پہلے مریم اماں کی خدمت میں حاضری دی جائے۔"