Topics
Amraaz aur bimarion ko jama
kya jaye toh in ki tadaad senkron se tajawaz kar jati hey. In amraaz ki noiyat
aur wajohaat bhi allag allag hein. “Roohani nazriya ilaaj”ke mutabiq amraaz ke
do rukh hein. Aik jismani aur doosra zehni ya Rohani. Jismani nizaam mein kisi
be etdaali, keemiyai ya tabee tabdeeli ka naam marz hey. roohani nazriya ilaaj
mein har marz ke khadd-o-khaal hotay hein aur har marz ka roohani wujood bhi
hota hey. Yeh dono rukh aik dosray se wabsta hein. Mojooda daur mein nafsiati
aur tabee amraaz ka jo kirdaar samnay aaya hey is ki roshni mein is ko samjhna
mushkil nahi hey. roohani ilm ka nazriya ilaaj yeh hey ke amraaz ke jismani
wujood ke sath sath roohani ya zehni wujood par zarb laga li jaye aur zehni tor
par is ki nifi ki jaye toh bohat jald Shifa haasil ho jati hey. Nah sirf jald
Shifa haasil ho jati hey balkay paicheeda o laa ilaaj amraaz se nijaat bhi
mumkin hey.
Chunkay bimarion ka roohani pehlu
is kitaab ka mauzo nahi hey. Is liye hum tafseel mein jaye baghair aik aisa
umomi programme darj kar rahay hein jis ke zariye amraaz mein qowat Shifa ka
ziyada se ziyada zakheera kya ja sakta hey. Jis qader zakheera ziyada ho ga aur
mareez ki qowat yaqeen irtkaz haasil kere gi, woh Shifa ke qareeb hota jaye ga.
Raat ko jald so jayen aur
subah beedar ho jayen. Beedar ho jayen. Beedar honay ka waqt namaz Fajar se
nisf ghanta qabal hona chahiye.
Ba wudu ho kar saans ki mashq number 1 injaam den.
Zehan ko tamam khayalat se
azad kar ke chehal qadmi karen aur ya Hafeez ka vird karte rahen. Yahan taq ke
namaz Fajar ka waqt aa jaye.
Namaz Fajar ke baad muraqba
mein baith kar yeh tasawwur kya jaye ke sahib muraqba arsh Ellahi ke neechay
betha hua hey. Aur arsh se ism “ya Shafi” ki noorani shu’ayen is ke oopar nazil
ho rahi hein.
Das se pandrah minute yeh
tasawwur kya jaye.
Chand mah is muraqba par amal
karne se mareez ki tabiyat sahet ki janib mael ho jati hey aur bil akhir mareez
acha ho jata hey.
